Ексклузивности, актуелности и медиум од доверба!

„Белата чума“ останува горчлив проблем во Македонија

0 63

„Белата чума“ останува горлив проблем во Македонија, трендот на опаѓање на наталитетот продолжува.

Минатата година на свет биле донесени 21 484 новороденчиња, од нив 21 333 биле живородени – што е за 2 проценти помалку во однос на 2017 година, покажуваат најновите податоци од Статистика. Дури 12 проценти од живородените бебиња се вонбрачни, а просечната возраст на мајките кои родиле е 29 години.

Граѓаните кои ги анкетиравме велат дека „изворот“ на проблемот се младите кои во денешно време одлучуваат да стапат во брак во подоцнежни години бидејќи образованието и кариерата ги ставаат високо на нивната приоритетна листа. За дел од нив причина се и финансиите.

За социолозите демографското стареење е сложен процес за кој требаат добри политики за негово искоренување а не класични популистички методи, особено во земја како нашата каде сиромаштијата е на високо ниво. Традиционалните семејни вредносни форми кои се губат и индивидуалноста во која сакаат да уживаат младите доведува до ниска репродукција.

Македонија со нискиот наталитет се соочува години наназад. Само за споредба, во 2010 година бројот на новородени бебиња изнесувал 24 296 или речиси 3000 повеќе од лани.

2010 – 24 296

2011 – 22 770

2012 – 23 568

2013 – 23 138

2014 – 23 596

2015 – 23 075

2016 – 23 002

2017 – 21 754

2018 – 21 333

Напиши Одговор

Вашата емаил адреса нема да биде објавена.